Meðferðarskráning

Meðferðarskráning er ný eining í Sögu sem skal nota til að halda utan um heilbrigðisupplýsingar sjúklinga. Einingin skiptist í hjúkrunarferli, framvindunótur, verkþætti, upplýsingaskrá og útskriftaráætlun.

Meginhlutverk Meðferðarskráningar er að:

1. Skrá öll þau gögn sem mikilvæg eru fyrir hjúkrunarmeðferð sjúklings.
   
2. Fá góða yfirsýn yfir ástand og meðferð sjúklings.
   
3. Ná út upplýsingum á aðgengilegan hátt sem nota má til endurbóta á meðferð einstakra sjúklinga eða sjúklingahópa á viðkomandi stað.
   

Hjúkrunarferli: Hægt er að velja hjúkrunargreiningar eftir deildarlistum og ferlum. Einnig er hægt að skrá framvindu við hverja hjúkrunargreiningu og merkja við framkvæmd verkþátta. Sýnin nær yfir þrjá daga, hægt er að breyta dagsetningu og uppfærast dagadálkarnir í samræmi við það.

Hér er líka hægt að skrá og skoða ofnæmi sjúklings.

Í Framvindunótur birta þær framvindur sem hafa verið skráðar á sjúklinginn. Hægt er að birta skýrsluna á skjá eða prenta hana út. Einnig er hægt er að velja ákveðin tímabil, síðustu 8, 12, 16 og 24 klukkustundir og ákveðnar dagsetningar. 

Hlutverk upplýsingaskráar  er að geyma ýtarlegar upplýsingar um sjúkling á meðan á innlögn stendur.  Upplýsingaskráin er sett upp sem listi af spurningum (flokkaðar eftir heilsufarslyklum GORDONS) sem geta verið innbyrðis háðar og geta svörin verið bundin við lista af mögulegum svörum eða verið frjáls texti eftir þörfum.  Upplýsingaskránni er skipt í nokkra kafla og er það stillanlegt hversu margir kaflar eru birtir. Til dæmis má stilla upplýsingaskrána þannig að sérstakir kaflar séu birtir ef sjúklingur er innritaður inn á barnadeild eða geðdeild og aðrir faldir. 

Útskriftaráætlunin er samansafn af spurningum sem varða stöðu sjúklings við útskrift.  Þetta er listi sem heldur utan um upplýsingar um hvað þurfi að gera áður en sjúklingurinn er útskrifaður. Líkt og með upplýsingaskrána er hægt að sérsníða útskriftaráætlunina að mismunandi deildum.